شقفة بكلوريا (الفصل الأخير)

(( الفصل الثالث ))

((أصوات زلاغيط وفرح ومباركة ثم ترفع الستارة ويظهر مازن ومجد))

مجد: مبروك معلم أيامك بس نحن الي تبهدلنا

مازن: ههههههههههههههههه

مجد : لك ليش عبتضحك قلي ليش

مازن : لك حدا بيرجت ورق هههههههههه

مجد : لكن شو رح أرتج على الهوا

مازن : لا يا غبي شفت شقدك متخلف ومع ذلك رح أنزل مستوا تفكيري لعندك وأشرحلك

مجد : هات لنشوف يا عبقري زمانك

مازن: يا سيدي ((ويخرج من جيبه سماعة بلوتوث))شفت هل الأختراع هادا أحدث موديل بلأسواق العالمية

مجد : وشو شغلتو

مازن : ما قلتلك متخلف هادا بينحط بلأدن وبزور بينشاف وبفتح خط الموبايل مباشرة مع الأستاذ الي بيكون قاعد بلبيت و قدامو الكتاب وبينقلني وأنا بكتب

مجد: هاااااااااااااااا بس!

مازن: بس شو

مجد: هلق بكل هل التقنية والاستاذ كأنو الكتاب قدامك

مازن: بلضبط

مجد : وجمعت 101 بس

مازن : بس رح أصير دكتور

مجد: دكتور كيف

مازن : البابا رح يبعتني لروسيا أدرس هونيك

مازن : هلق المهم رح تجي على الحفلة ولا لأ

مجد: أي بجي وين

مازن: وين يعني بلشيراتون ألبيس شي مرتب ها

مجد: أمرك دكتور

مازن ههههههههههههههههه

((يخرجان من المسرح))

(( يدخل الشاب الحالم يوسف وليلى))

يوسف :وهي طلعت النتيجة وصار لازم نسجل بلمفاضلة مو هيك ليلى

ليلى: والله ما بعرف لازم أسئل أبوي

يوسف :على ذكر أبوك شلون خلاكي تطلعي لحالك من البيت

ليلى : عيفا لربك هو بلشغل وفي طبخة من أمبارح يعني مافي شغل كتير علي

يوسف : يعني يمكن ما يخليكي تسجلي وأنتي مجمعو238

ليلى: كلشي ممكن و أنت شو رح تسجل

يوسف: والله محتار بين الاقتصاد والرياضيات

ليلى: ليش محتار

يوسف : لك الأقتصاد مستقبلها كتير كويس برات البلد بدول الخليج يعني بس الضريبة أنو رح أغترب والرياضيات بحبها ببلدي بس رح أعيش حالي بزور لأنيتي أستاذ والمعاش الله عليم كيف والمعيشة غالية بتعرفي

ليلى: يعني قررت ولا لأ

يوسف: ولا الظاهر أنو رح أضل ببلدي وشو ما بدو يصير يصير

ليلى: أنت العليم بحالتك فكر منيح وبعدين قرر

يوسف: هيك بدي أساوي

يوسف: يلا هلق بيجي أبوكي وبيساويلك صرعة مالك ناقصة وانا تأخرت عن شغلي

ليلى : معك حق

((يخرجان من المسرح))

(( يدخل رامي مع صلاح ))

صلاح : ما قلتلك رح ننجح

رامي : مبسوط كتير يعني لك يادوب يطلعلنا معهد فندقي

صلاح: والله أنا رح اسجل بلموازي

رامي : الي معو شو بيمنعو

صلاح: طول بالك نصيب

رامي: نصيب سمعان هل الكلمة كتييييير أنشالله ألف مبروك عقبيل ما تتخرج من الجامعة

صلاح : الله كريم يمكن الله هيك يوفقك

رامي : سيدي معهد معهد شو رح نساوي

رامي: سمعت قال مجد رح يصير دك تور

صلاح: ههههههههههههههههه

صلاح: أي هيك عبيقولو

رامي: شفت الحظ شفت

يلا خلينا نروح نسجل أحسن شي أمشي

((يدخل شاب صغير وبيده مجموعة من الأوراق))

مفاضلة أربي ا حباب و شوف مستقبلك وين صار أرررررب بعشر ليرات بتعرف مستقبلك أرررررررررررب الطب 241

((ويخل الشاب الحالم))

يوسف: تعى لهون يا ولد

الولد: شو رح تشوف مستقبلك

يوسف : أيييي

( ويأخز المفاضلة من يده ويقرها من دون أنا يدفع مال والولد يطالبه بلمال فيرمي الولد بلمفاضلة ويجلس على الكرسي)

ويقول له الولد : خلص معلم ما بدي 10 ليرات والله ما بدي

يوسف : لك سكوت تبهدلنا سكوووووت هههههههههههههه

الولد: ليش معلم

يوسف : قال حبينا بلدنا وما طلعلانا رياضيات وردنا نتغرب وما طلعلنا أقتصاد لك تنيناتون ما طلعولنا تصور

الولد شو قلت

يوسف : هههههههه ولا شي ولا شي روح بيع روح بيع

الولد قرررررب راح مستقبلو قررررب قرب مع كل مفاضلة حبت تحت اللسين ببلااااش قرب

يوسف: أي لو كنت أشطر بعلامة وحدة بس كنت دخلت رياضيات سيدي لو كان أبي عايش ما كنت أطريت للشغل وكان سجلني موازي أه فانية

(( ثم يخرج من المسرح وتدخل ليلى و أبوها))

ليلى: أي بابا شو رأيك أسجل

أبو ليلى: شو أمرتي أبوي تسجلي عشنا وشفنا والله

ليلى: ليش بابا أنا طلعت الأولى على المحافظة بيطلعلي طب إذا بدي

أبو ليلى: سكتي وليك نحن ما عنا بنات تروح على الجامعة وترافق شباب وعلاك فاضي

ليلى: الله يخليك بابا

أبو ليلى: لك الله ما يخليني إذا خليتك تدخلي على الجامعة الخميس عرسك على أبن عمك أمبارح حكينا فيا ونقطة أنتهى

ليلى: بابا بس أنا ما بدي اياه شو بلزور

أبو ليلى: أي بزور يعني رح تكسري كلامي انقلعي حطيلنا لقمة ناكلة لبين ما أغسل يلاااااا

(( يخرجان من المسرح ثم سحل ظلام على المسرح ثم تعود الأضائة في الجانب الأيمن من المسرح يكون يوسف وبيده الكتاب وهو شارد الزهن وفي الوسط يكون مازن وبيده سمعات الطبيب يتفحصها وفي الجاب الأخر ليلى وهي تنظف ومعه حديث داخلي يقول))

(( شفتو ياجماعة هي هي حالة طلاب البكلوريا عنا بهي البلد شي مهتم وشي مو مهتم وشي عندو مصاري و مو سائل في من كل لون وبتوقع رح تضل حالتنا هيك إذا نحن طلاب البكلوريا ما أهتمينا بلمتستقبل بأولادنا ووعيناهون و ما خوفناهون وشكرا))

موضوع: شكرا" الأربعاء نوفمبر 25, 2009 8:05 am

شكرا" الك عالمسرحية حلوة كتير وافكارك احلى بتمنالك التوفيق بحياتك وانشالله نحو الافضل والاحسن

» شقفة بكلوريا(الفصل الثاني)
» شقفة بكلوريا