اعترف لزوجته انه تزوجها عن دون حب

اعترف إحدى
الأصدقاء بمشكلته العائلية مع زوجته وطلب منا في ملتقى نساء العالم تقديم
الاستشارة له

المشكلة هي
انه تزوج من زوجته عن دون حب بعد إصرار الأهل بتزويجه من تلك الفتاة وقد تم
زواجهما وقال بأنه كان يحب فتاة أخرى ولكنه تزوجت ما إن تزوج هو الأخر وبعد أنجاب
الأطفال عرفت زوجته بانه لا تحبه وهو يحترمها كثيرا ولن هذه المشكلة تؤثر يوم عن
يوم على علاقتهم الزوجية والذي زاد الطين بلة عندما علم بان الفتاة التي كان يحبها
قد طلقت فحاولت الفتاة الاتصال به اكثر من مرة ولكن حبه له غلب اصراره على عدم
رؤيتها

وهو محتار
من أمره ويريد استشارتكم ؟ فما الجواب برايكم اعترف إحدى
الأصدقاء بمشكلته العائلية مع زوجته وطلب منا في ملتقى نساء العالم تقديم
الاستشارة له

وهو محتار
من أمره ويريد استشارتكم ؟ فما الجواب برايكم

والله مابعرف كيف بدي عبر عن رأي يعني موقفو بصراحة صعب بس انا بقول كل شي الو مرحلة وبينتهي الا الحب بعمرو ما بينتهي وكلما كبرنا بالعمر بيكبر معنا والمشكلة لما بتتعقد القصة بزواج تاني وبيصير في اولاد بيدفعو هنن ثمن هالقصة التعيسة
بس انا برأيي انو الاطفال مالازميدفعو ثمن أنانيتنا وحبنا لانو نحصل على الشي اللي بدنا ياه انا برأيي يرجع يدرس علاقتو مع زوجتو بوعي وبدون تحيز للحب بقلبو يعني خلي الاطفال طرف من الموضوع حتى يكون قرارو منطقي
وبالنهاية القرار ممكن يكون بايد الطرفين يعني زوجتو كمان الها رأي بهالموضوع ولازم يناقشو الوضغ سويا" والا بيكون القرار على حساب احد الطرفين
وبتمنى كمان غيري يعطي رأيو بس بالنهاية هو رح يعمل اللي ببالو اكيد بس نحنا مجرد روافد معرفة لقرارو
تحياتي

ياأخ محمود انا بقول مو الحب كلشي بهل الحياة
بالعكس فكر بعقلك قبل ما تفكر بعاطفتك
لانو العقل بتجيب العاطفة بس العاطفة ما بتجيب العقل
وتعامل الشخص هي التي تبني العاطفة اذا اخترت بالعقل صح
بس عنجد موقفك لا يحسد عليه بس بقول ارجع عيد النظر بحياتك مع زوجتك مهما كانت منشان الاولاد على الاقل وحاول انك تتقرب منها اكتر يوم بعد يوم رح تشوف انو الحياة كتير حلوة مع زوجتك واولادك
وبرجع بقول تريث يااخ ------ ولا تدمر احلى لحظات تعيشها بفرحة مع اولادك
والصبر هو مفتاح الفرج
والمناقشة والهدوء كلشي بينحل
وبتمنالك التوفيق

ياانسة تورين بشكرك على ردك انتي والانسة نسرين بس مو انا المعني بالموضوع هو احد اصدقائي --فعلا القرار الصح مثل ما تفضلتم انو يراجع علاقته مع زوجته ويضحي بحبه من اجل الاطفال الذين هم ثمرة حياتهم الزوجيةويحاول ان يجدد علاقته مع زوجته فهي بالمحصلة ام لاولاده--وشكرا

تورين المشكلة ماصارت مع محمود مع رفيقو انا فهمت والله يا محمود انت اكلتا بالنص ههههههههههه بس بجد خلي صديقك يرجع يعيد النظر بحياتو مع زوجتو واولادو الحياة حلوة لما منشوف اطفالنا حولينا عم يحومو متل الفراشات
تحياتي

كل الحق عليك انسة نسرين هلا بيفهموا الشباب ان المشكلة تخصيني دبريها بقا----تورين كل عام وانت بخير بمناسبة عيد ميلادك

ميرسي كتير كتير لاالك يا اخ محمود
وانت بالف خير والكل بالف خير
ومنشان الرد انا بعد ما كتبت الرد انتبهت انو مو انت المعني هو احد الاصدقاء بس الكسل خلاني ما ارجع اصلح الغلط واخليه
وميرسي كتير الك يانسور