ماذا تفعل لو علمت بأن فتاة تتمناك زوجا

مآذآ تفعل .. لو علمت بأن فتآه تتمنآك زوجآ .؟
________________________________________

نعلم بأن الكثير من الرجال قد يعجب بفتاة ثم ما يلبث ان يخطبها

ويتزوجها ويحقق الله مراده...

ولكن هل تعلمون بأن هناك الكثير من الفتيات يقدر الله عليها بأن

تعجب بشخص سواء لدينه او اخلاقه

او سعة إدراكه.....الخ من الصفات التي تكون كافيه بأن تجعلها

تتمناه زوجاً !...

وهذاا كاان وجهة نظر أحدى الفتياات .. تقول عادي لو حنا اللي

نطلب يد الزوج إذاا أعجبنا مو شرط انه هو اللي يتقدم ..

وقرأت رسالة في شأت قنااة المجد إن وحده تعرض الزواج ع أحد

المقدمين البارزين والمتألقين بالقناة وتقول قريباا سيطلب أبوي

يدك يا أستاذ .........!!

فالحب والكره والمودة من الله سبحانه وتعالى لم يختص بها جنس

معين ....

ولكن في مجتمعنا الحالي نجد ان هذا الشيء مرفوض كون ان فتاة

تتمنى الارتباط بشخص ما ...

فهي تعلم يقين العلم انه ان لم يكن يفكر بها فهو بداية طريق عذاب

لمشاعرها.... !

أسألتي ..

ماذا لو علمت بأن بنت عمك او خالك او احدى اقرباءك او معارفك

تتمناك زوجاً؟

هل ستصغر في عينيك كونها قد أعجبت بك ؟..

ماذا لو ان هذه الفتاة ارادت لفت نظرك لها بأي وسيله سواء

بالتلميح لاحدى اخواتك ....

او حتى ارسلت لك رساله وقالت لك انا معجبة بك بسبب تدينك او

اخلاقك ..واتمناك زوجاً لي !!!

بصراحه ماذا سيكون موقفك؟؟؟؟

وكيف كنت تتمنى الطريقه التي تشعرك برغبتها بالارتباط بك؟؟..!

وأنتي ايتها الفتاه ..

كيف تتصرفين مع هذه المشااعر بداخل قلبك ..؟؟

ومااهو شعورك إذاا بينتي له مشااعرك ثم قوبلتي بالرفض من نااحيته ..؟؟

هل ستندمين ع فعلك .. وتحاولين ابعاده عن تفكيرك ..؟؟

أم ستستمرين في العذااب والتفكير ..؟؟

وما رأي الشباب بهذا الموقف

ارجوا من الجميع الصراحة و الردود .....

اكيد ما رح تصغر بعيني البنت

وفي متل بقول خطوب لبنتك قبل ما تخطب لأبنك
وانا فعليا صارت معي و لحد لح\د الأن محتار

انا ردي على هل الموضوع

اني ارفض فكرة البنت تخطب او مجرد تقول انها حاببتوا وبتتمناه كزوج

لانو مجتمعنا شرقي وما بيتقبل هيك شي
بتعرفوا ليش؟

لانو في المستقبل بعد الزواج اذا صار اي خلاف صغير رح يقول الشب للبنت انتي كنتي راكضة وراي ورح تضطر انها تحط على الجرح ملح وتسكت وتعاني وتعاني

يعني بالمستقبل إذا صار خلاف البنت ما بتقلووووووووووو
شقد ركضت ورررررررررررراي

بشكرك تورين على هالموضوع الواقعي جدا" وبتعرفي الرسول اوصى بخطبة الزوج للإبنة قبل الخطبة للإبن
والشاعر الكبير محمد الماغوط مرة عملو معولقاء وسألتو المذيعة شو رأيك بالبنت اللي بتعرض حبها للرجل وتتمنى الزواج به بتعرفو شو قال
قال محمد الماغوط زوجتي بزمانها عرضت علي الحب وأرداتني زوجا" وسندا" لها في الحياة وصديقا" لوحدتها وانا لم أراها المراة التي عرضت علي الزواج ولم اراها القمر او النجوم انما رأيتها السماء التي احتوتني واحتوت كل آلامي ومواجعي والآن وبعد رحيلها عن الحياة لا أتمنى سواها وأنا أعيش على ذكراها
الحب من اي طرف كان جميل جدا" انما في حال تقدير الطرف الآخر له ومحافظته عليه تحياتي

شوووووووو يانسرين ليكون حاطة عينك ع شي حدااااا
ومالنا خبر ع كلن إذا حاطة عينك انا بخطبلك ياه

ما حزرت يا shark صحيح انا ما عندي مانع بالحب من اي طرف كان بس بالنسبة الي لن ابوح لاحد بحبي مهما صار لان قلت سابقا" وبرجع بقول الشرقيين بيشكوا بخيالهم يعني اذا قلت لحدا اني بتمناه زوجا" للمستقبل رح يقلي بعد فترة لكم واحد اعترفتي بهالشي وطبعا" هاد الشي اللي بيخجل بالرغم من انو كتير من رجالنا بيدعو الانفتاح والتحرر بس بالنسبة لموضوع الارتباط بيرجعو لعقل ستي وستك للأسف وبتصير الشعارات التحررية عالشجرة
تحياتي

حلوة هي الشعارات التحررية ع الشجرة بس سؤال

ماذا تفعل لو علمت بأن فتاة تتمناك زوجا Confused

ماذا تفعل لو علمت بأن فتاة تتمناك زوجا Affraid

تفضل اسأل

أول الشي صباح الخير للكل بدون أستثناء لكن مع الثناء للأنسة تورين
ليه ملخبطين لهالدرجة, القصة بسيطة يا جماعة يعني بصراحة كل واحد عبيعطي أحداثيات أكبر من المستحق الموضع على قد مالو كبير بس بنفس الوقت بسيط , يعني اليوم وقت بتجي بنت لعندي وبتقلي بشكل مباشر أني بحبك شو يعني شو خربت الدنيا طيب كيف انا اليوم اذا بحب وحدة مابطلع ئدامي وبساوي حالي عساس عبلمح أو بطريقة غير مباشرة ,بالوقت يلي بكون مبين علي ومكتوب على جبيني أني غاطط والا شوي رح روح فيا طيب ليه انا عادي والبنت لا,وبعد ماقلا للبنت أني بحبك شو رح يكون ردة فعلا طبعا حسب يعني أذا كنت وارد بقاموسا يمكن تفكر فيني أما أذا كنت أكس رح أتعزبلي شوي ,الخلاصة برأي نفس الشي رح تكون ردة فعلي أذا البنت بادرت بالموضوع
وبعدين بالنسبة لجماعة الضد معليه أعذروني هادا بتم حكي أنو مارح بوح بحبي يعني معقول اليوم تحبو وماتعلنو حبكم لييييييييييييش لانو بعد 10000 سنة رح يقول والله انت كنت راكضة وراي أي شو هالحكي خلينا نحكي شوي منطقيا الله يخليكون لاتحروني خلينا نعيش كم يوم على حب صادق وبعد الف سنة ضوئية قولو يلي بدكون ياه ركضت وراها تفكلت كنت قتلان مابهم
ملاحظة :مجتمع شرقي ههه كلو واحد خلي يكون شرقي لحالو .....بدي امنع قلبي من الحب كرمال المجتمع تبعكون لااااااا
وعلى قولة جورج وسوف كلااااااااااااااااااااااااام الناس لابقدم ولابأخر كلام الناس غيرة وملامة مش أكتر
ويلي حاطط عينو علي مافي مشكلة لاتخجلو أنا مابخجل حدا ههههههههههه عبمزح معكون وعذرا لاطالتي بس الموضوع جزبني كتير
thanks

بكرة رح تحكي غير هالحكي والزمن بيثبت كلامي ولا تعليق على كلامك يا بارتي
تحياتي لابداءك رأيك بكامل شفافية ميرسي

ميرسي كتير الكون يا جماعة على الردود

بس انا مع نسرين بكرة تشوفوا والايام بثبتلكون

بيضل كل انسان الوا رأئ مع احترامي لكل الاراء

ورح يقولوا انو انتي وانتي وانتي لانو بمجتمعنا الشاب هو المسيطر وبيشوف حالوا انو متحرر

طبعا ياجماعة الاصابع كلها مو متل بعضها ممكن في شواذ عنا وتحرر بسسسسسسسسسسسسسسسسسسس قلييييييييييل

تقبلوا مروري

يسلم بوقك يا نبيلة المنتدى و يا نسرين سمحيلي اسميكي روح المنتدى
انا معكن الحياة اثبتت هالشي من خلال التجارب و اكيد بكرا يا بارتي بس تغرق لأدنيك رح تغير رأيك
قبلك كنا نحكي هيك و بعدين ما مشي الحال
خود النصيحة من الأكبر منك و استفيد

برأي مو مهم النتيجة المهم قناعتي بالشي يلي عبعملو مادام انا مقتنع فأنا مبسوط شو بدي في العالم أذا هنن مقتنعين وأنا مالي مقتنع

بس انت جزء من هالعالم اللي عم تطنشوا ولازم تحترمو والا ما رح يريحوك ابدا" لا بالحياة ولا باحلامك بالنهاية بحيي هالروح فيك بس نحنا محكومين بقوانين قاسية من المجتمع علينا الرضوخ سواء شئنا ام ابينا الا ان في امور ما لازم نرضخلها اذا كانت تمس مستقبلنا الفعلي والعملي
تحياتي لك بارتي وبتمنالك السعادة الأبدية بالحياة

طبعا نحن محكومين من قبل هالعادات الشرقية يلي 90% عبارة فقط عن عادات وتقاليد موروثة من الاجداد بس قدر الامكان لازم نحاول نفرض أو نقدم وجهة نظرنا ورأينا بالحياة يلي منحب نعيشها ومنشوفا صح طبعا لما نحن منشوفا صح مو عن عبث أو ناتج من قرار لاوعي كوننا أشخاص من هالمجتمع
نلتقي لنرتقي

نلتقي لنرتقي

بعدالسلام والاحترام برائي الفتاة تبقى انثى ويجب على الشاب اظهار محبته ومشاعره لاني الشاب اذا شاف وحدة معجبة فيه راح يتكبرعليها وما راح يحبها هيك رائي وشكرا على الموضوع

برأيي أنا انو الانسان بس يلاقي حدا مهتم فيه بطبيعة الحال رح يحس بالغرور وكيف ما كان الإنسان بحاجة لحدا يهتم بأمرو
تحياتي

يمكن وصلت متاخر للموضوع بس موضوع حلو بصراحة وواقعي بس ما لازم نقيس الامور من مبدا مجتمع ذكوري او انثوي بالنهاية الارتباط والزواج مشروع مشترك لازم رأي الطرفين يكون مدروس بدقة كبيرة ومتل ما الشب الو الحق يختار كمان للبنت حق الاختيار للشخصية الرجل الذي تحب وتتمناه
يعني يا جماعة الخير عنجد صار الوقت لنكب هالتفكير الرجعي واللي بيعود لزمن اجدادنا بمئات السنين
يعني قبل ما كانو يسمحو للبنت تطلع من الغرفة هلق صار كل شي عادي وتقبلنهاو مشي الحال كمان هالموضوع رح يتم قبولو من المجتمع عاجلا" ام آجلا"
بعتذر عالاطالة

شكرا سربست لردك الحلو
وعنجد بعتقد الكل بيتمنى انو نتخلص من هل التفكير الرجعي ونتمناه

مرحبا ياتورين وشكرا على هل الموضوع الرائع وانا معاكي انتي والانسة نسرين 100% اي نحنا اذا البنت بعد مايكون الشب الو زمان عم يركض وراها وحفيان وهو عم يقنعها ويقلها كلام معسول وشي سمعانينوا وشي مو سمعانينوا وأول ما البنت تلين ويبلش يحس انها طبت ويسمع بعد فترة كلمة بحبك يلي طالعة منها بخجل بينقلب وبيطمن وبيصير يرفس يمين وشمال وبيطلع عيونها وبيبلش مسلسل الطناش متعدد الحلقات ويلي هو البطل الوحيد فيه فكيف هيةبدها تجي وتعترف وتصارحوا بالأول ونحنا بمعتقداتنا انوا البنت يلي بتعمل هيك معناها هي بنت سيئة السمعة
يعني الوحدة بتكون بشي بتصير بشي
هلق ممكن انوا ابوا الوحدة هو يلي يعرض الفكرة وطبعا هاد نصرف مقبول ولو شو ي بمجتمعنا بس بعد ما يصير النصيب وعند اول مشكلة الشب بيقلها (اي مابيكفي اهلك دحشوكي فيني دحش لانك بايرة) ومن هل الكلام زين كتير .
فأنا أكيد مع رأيكون ويلي عندها اي شعور بيقلبها لأي شب تضبوا بصندوق خشب قديم وتدفنوا وحتى ولو هي معجبة بواحد وهو كمان عندو نفس الشعور وصار نصيب بيناتهون ايها تغلط وتعترفلوا انها كانت معجبة فيه من قبل لانوا الرجال مالون امان ماذا تفعل لو علمت بأن فتاة تتمناك زوجا Icon_basketball

والله حسيتك يا ميسو انك اعلتني حرب ضد الرجال حياتي لسا الدنى ما خليت من الناس الطيبة ونحنا هلق بقرن الواحد والعشرين يعني صحيح الشي اللي حكيتيه انتي منو كتير بس بجد الشب الاصيل واللي عندو كمان شعور حلو تجاه بنت معينة ما رح يكون ردة فعلو هيك الا اذا ما اكن اصلو طيب ونازل تطبيق بالبنات
بالنهاية بجد اللي بيخاف ربو لا تخافو منو
تحياتي

قال محمد الماغوط زوجتي بزمانها عرضت علي الحب وأرداتني زوجا"
وسندا" لها في الحياة وصديقا" لوحدتها وانا لم أراها المراة التي عرضت علي
الزواج ولم اراها القمر او النجوم انما رأيتها السماء التي احتوتني واحتوت
كل آلامي ومواجعي والآن وبعد رحيلها عن الحياة لا أتمنى سواها وأنا أعيش
على ذكراها
اللللللللللله ....عن جد كلام في منتهى الرقي والاحساس المرهف
بصراحة أنا بشوف انو لما تزيد المشاكل ونوصل لمرحلة كل واحد يحب يجرح التاني فالتوقف عن الكلام أفضل فما يهم عندها ماذا يحدث وليس ماذا يقال.

الانسان يبقى انسان مهما كان لافرق بين البنت والشاب وإذا كان لنا نية تغيير المجتمع لازم نضحي لأنه الشباب هم موتور التطور في المجتمع المهم تكون لدى الأنسان إرادة والحب اعلى مستوى من الإرادة والحرية

انت تتحدث عن الحب الذي نعرفه انا وانت استاذي العزيز لكن الحب بات عملة نادرة في زماننا وبات عقد تجاري او مصلحة متبادلة من الطرفين
وكلامك صح بالسويد عندك لكن هنا في سورية كل حركة محسوبة عالفتاة سواء اذنبت او لم تذنب
بتمنى نوعى اكتر من هيك لهالمواضيع

يا جماعة الخير شبكن مسكتو هالموضوع مسكة حنبلية
يمكن الفتاة التي تتمناك زوجن كفرت و بطلت تتمنى حدا

هههههههههههههههههههههههههههههههههههههههههههههههههههه والله معك حق يا shark

» فتاة في عمر الزهور تشق طريقها في الدعارة
» حتى تكوني أبهى فتاة في الكون
» ضابط سعودى أنشأ أكبر شبكة للدعارة تضم 350 فتاة
» ماذا لو كنت حاكما............
» انتحار فتاة حامل في حلب بسبب خلافها مع زوجها وغيرتها الشديدة عليه